Posts

Saghar Siddiqui Hai dua yaad mgr hrf e dua yaad nhi poem

Image
Saghar Siddiqui Hai dua yaad mgr hrf e dua yaad nhi poem Hai Dua Yaad Magar Harf e Dua Yaad Nahi Meray Naghmaat ko Andaaz e Nawa Yaad Nahi   Humne Jin K Liye Rahon Main Bichaya Tha Lahu Ham Se Kehtay Hain Wohi Ahd eWafa Yaad Nahi Zindagi Jabr e Musalsal Ki Tarha Katti Hai Janay Kis Jurm Ki Pae Hai Saza Yaad Nahi Maine Palkon Se Darr e Yaar Pe Dastak Di Hai Main Wo Sa'il Hoon Jissay Koi Sadaa Yaad Nahi Kaisay Bhar Aaeen Sar e Shaam Kisi Ki Ankhain Kaisay Tharraee Chiragon Ki Ziya Yaad Nahi Sirf Dhundhlae Sitaron Ki Chamak Dekhi Hai Kab Hua Kon Huwa Kis Se Khafa Yaad Nahi   Aao Ikk Sajda Karain Aalam e Madhoshi Main Kehtay Hain k Sagar Ko Khuda Yaad Nahi   English Translation by Zaheer uddin Babar Yes, I still remember the prayer, but I have forgotten the words  My songs have lost their rhythm.  About the blood we shed for them We are told, they have forgotten that same covenant  Life is lead like constant oppre...
Post a Comment
Read more

Aey meri hum raqs mujh ko tham le

Image
Aey meri hum raqs mujh ko tham le  Noon Meem Rashid   ae meri hamraqs mujh ko tham le zindagi se bhag kar aaya hun main dar se larazan hun kaheen aisa na ho raqsgah ke chor daravaze se aakar zindagi dhundh le mujh ko nishan pa le mera aur jurm-e-aish karte dekh le ae meri hamraqs mujh ko tham le raqs ke ye gardishen ek mubaham aasiya ke daur hain kaisi sargarmi se gham ko raundata jata hun main jee mein kehta hun ki han raqsgah mein zindagi ke jhankane se peshtar kulfaton ka sangreza ek bhi rahane na paye ae meri hamraqs mujh ko tham le zindagi mere liye ek khuni bhediye se kam nahi ae hasin-o-ajanabi aurat usi ke dar se main ho raha hun lamha lamha aur bhi tere qarib janata hun tu meri jan bhi nahi tujh se milane ka phir imkan bhi nahi tu meri aarazuon ke magar tamsil hai jo rahi mujh se gurezan aj tak ae meri hamraqs mujh ko tham le ahad-e-parina ka main insan nahi bandagi se is dar-o-divar ke ho chuki hain khvahishen be-soz-o-rang-o-nata...
Post a Comment
Read more

Rudad e Mohabbat kiya kahye by Saghar Siddiqui

Image
Rudad e Mohabbat Kiya kahye by Saghar Siddiqui rūdād-e-mohabbat kyā kahiye kuchh yaad rahī kuchh bhuul ga.e do din kī masarrat kyā kahiye kuchh yaad rahī kuchh bhuul ga.e jab jaam diyā thā saaqī ne jab daur chalā thā mahfil meñ wo hosh kī saa.at kyā kahiye kuchh yaad rahī kuchh bhuul ga.e ehsās ke mai-ḳhāne meñ kahāñ ab fikr-o-nazar kī qindīleñ ālām kī shiddat kyā kahiye kuchh yaad rahī kuchh bhuul ga.e ab apnī haqīqat bhī 'saġhar' be-rabt kahānī lagtī hai duniyā kī haqīqat kyā kahiye kuchh yaad rahī kuchh bhuul ga.e  
Post a Comment
Read more

Hassan Koozagar by Noon Meem Rashid

Image
Hassan Koozagar by Noon Meem Rashid jahān-zād nīche galī meñ tire dar ke aage ye maiñ soḳhtā-sar hasan-kūzā-gar huuñ! tujhe sub.h bāzār meñ būḌhe attār yūsuf kī dukkān par maiñ ne dekhā to terī nigāhoñ meñ vo tābnākī thī maiñ jis kī hasrat meñ nau saal dīvāna phirtā rahā huuñ jahāñ-zād nau saal dīvāna phirtā rahā huuñ! ye vo daur thā jis meñ maiñ ne kabhī apne ranjūr kūzoñ kī jānib palaT kar na dekhā vo kuuze mere dast-e-chābuk ke putle gil-o-rañg-o-roġhan kī maḳhlūq-e-be-jāñ vo sar-goshiyñ meñ ye kahte hasan kūza-gar ab kahāñ hai? vo ham se ḳhud apne amal se ḳhudā-vand ban kar ḳhudāoñ ke mānind hai rū-e-gardāñ! jahāñ-zād nau saal kā daur yuuñ mujh pe guzrā ki jaise kisī shahr-e-madfūn par vaqt guzre taġhāroñ meñ miTTī kabhī jis kī ḳhushbū se vārafta hotā thā maiñ sañg-basta paḌī thī surāhī-o-mīnā-o-jām-o-subū aur fānūs o gul-dāñ mirī hech-māyā ma.īshat ke iz.hār-e-fan ke sahāre shikasta paḌe the maiñ ḳhud maiñ hasan kūza-gar pā-...
Post a Comment
Read more

Mohabbat ab nhi hoge poem

Image
Muhabbat Ab Nahi Hogi by Munir Niazi Sitarey Jo Damaktey Hain Kisi ki Cash’may Hairaan Main Mulaqatain Jo Hoti Hain Jamal e ‘abr’ o ‘baraan Main Ya Na Abad Waqtoon Main Dil e ‘Nashaad Main Hogi Muhabbat Ab Nahi Hogi Yea Kuch Din Bad Main Hogi Guzar Jaein Gay Jab Yea Din Yea Un ki Yaad Main Hogi (English Translation by Zaheeruddin Babar)  the stars (of happiness) that shines in the wondering eyes of the beloved, The meetings that happen in the beautiful rainy weather Now this will happen only in the in unhappy heart during idle days. Love won't happen Now  It will happen after some time  In the memory of these days when they will pass  
Post a Comment
Read more

zindagi se darte ho Admi se darte ho full poem with English subs

Image
Zindagi se Darte ho Noon Meem Rashid zindagī se Darte ho! zindagī to tum bhī ho zindagī to ham bhī haiñ! zindagī se Darte ho? aadmī se Darte ho? aadmī to tum bhī ho aadmī to ham bhī haiñ aadmī zabāñ bhī hai aadmī bayāñ bhī hai us se tum nahīñ Darte! harf aur ma.anī ke rishta-hā-e-āhan se aadmī hai vābasta aadmī ke dāman se zindagī hai vābasta us se tum nahīñ Darte ''an-kahī'' se Darte ho jo abhī nahīñ aa.ī us ghaḌī se Darte ho us ghaḌī kī aamad kī āgahī se Darte ho pahle bhī to guzre haiñ daur nā-rasā.ī ke ''be-riyā'' ḳhudā.ī ke phir bhī ye samajhte ho hech ārzū-mandī ye shab-e-zabāñ-bandī hai rah-e-ḳhudā-vandī tum magar ye kyā jaano lab agar nahīñ hilte haath jaag uThte haiñ haath jaag uThte haiñ raah kā nishāñ ban kar nuur kī zabāñ ban kar haath bol uThte haiñ sub.h kī azaañ ban kar raushnī se Darte ho raushnī to tum bhī ho raushnī to ham bhī haiñ raushnī se Darte ho shahr kī fasīloñ...
Post a Comment
Read more